Alderle ! Ludi 8.8.2013
„Uff unseren Ludi, ein dreifach kräftiges: Zicke, Zacke…“
..so had´s geschdern Obend nachem Pokalschbiel von de Schbieler iwwa de Blatz g´schalld.
Geschdern Morje ware beim Ludi im Krangehaus un er war richdig guud druff – nach auße wenigschdens. „Morje Frieh werre oberierd“, had´er mer g´sagd, „Awwa heid Obend gehe uff de Schbordblatz zum Pokalschbiel.“
Als de Krangepfleger reikomme isch, hadder zu em g ´sagd: „Heid Obend binne mol so ä Schdund weg!“ – un had debei g´schmunzeld. Typisch Ludi.
S´war ä richdig schbannendes Pokalschbiel gege Leopoldshafe, des´mer in de Verlängerung 3:1 g´wonne hen. Unser Jungs ware so richdig bei de Sach un hen ned nur guud g´schbield sondern a gekämpfd wie de Deifel. Im Nachhinein häwwe erfahre, dass de Thomas in de Kabin zu de Schbieler g´sagd had: „Heid schbiele´mer fir de Ludi!“ Un du hasch den Eindrugg hawwe kenne, dass d´se des a g´machd hen.
Beim Schbiel had´mer sich nadierlich vor allem die Neie oguggd un ich muss sage, gar ned schlechd. De Raschdedder (sorry, dein Vorname häwwe no ned druff) isch hinne drin suba g´schdanne un de Benny had en prima Sexa abglieferd. A sonschd isches richdig guud g´loffe.
Jedzd komme´mer em kommende Middwoch gege Knielinge. Des werd ä harde Nuss un alle freie´mer uns uff des Wiedersehe mid´em Markus, unserem ehemalige Trainer. S´isch jo scho richdig schee, wenn´der vorschdellsch, dass´mer domols alle traurig ware, als´er gange isch. Awwa mid´em Thomas hemmer än richdig guuder Nochfolger g´funne.
Was bei dem Schbiel geschdern Obend a beeindruggend war, des ware widder ämol unsere Zuschauer. Än Schbieler had´mer heid g´sagd: „Wenn do nuff guggd hasch (er had de Brudeelhiegel und drum rum g´moind), dann war des richdig Klasse, wie viel Leid do ware“. Rächd hadder g ´hedd. Unser Publikum isch Schbidze un immer däbei. So zu sage ä richdige Gemoinschafd – un so solls a bleiwe.
Zum Schluss komme awwa noch ämol uff de Ludi z´rigg. So´eme Kerl musch oifach d´Daume drigge, dass´er widda richdig g´sund werd. Alles Annere isch näwwesächlich, wenn Fußball a noch so schee isch!!!
Eier Alderle