Alderle ! S´siehd ned schlechd aus! 26.5.2014
Em ledschde Sonndag simmer ä Woch ins Allgäu g´fahre. Des 3:1 gege Siedschdern häwwe nadierlich glei mid´em bayrische Bier g´feierd - s´had guud g´schmeggd.
Als´mer geschdern zrigg komme sin, simmer glei wähle gange. Ich wolld 2,40€ schbende - s´isch awwa koi Kässle do g´schdanne!!!
Nachem Hoimadveroifeschd war mei erschder Weg nach Neiburgweier. Im Urlaub häwwe Rechenschbiele g´machd iwwa die ledschde Schbiel. S´Ergebnis war ned schlechd!
Nadierlich häwwe en Sieg gege dä Tabelleledschde eikalkulierd. Ich häb dann schließlich a rechd g´hed, obwohl´e Owwerweier mid dem 2:1 gege Rippurr ned uff de Rechnung g´hed häb.
Des 3:0 kann sich sähne lasse. Des Tor vom Michi had´em sicher guud geduu - mach oifach wieder so! Brofidierd hadder nadierlich von derre super Flanke vom Benny. Benny, wenn noch mehr so Dinger g´schlage hedsch, hed´s rabble kenne in de Kischd.
De Zimbo kann in seinere Schdadischdig en neier Torschüdze uffzaichne: Dä Freddy! Des had´me b´sonners g´fraid, nachdem was die Runde scho alles durchmache hasch misse.
A propos "durchmache misse". Dä Ron war a uffem Schbordbladz, un so wie´er g´sagd had, geht´s em widda besser. Mir drigged Dir alle Daume Ron!
Beim dridde Tor isch dä Max genau widda an de richdige Schdell g´schdanne un wenn de Neiburgweierer Tormann ned so guud g´wäse wär, hed dä Bomba a mol widda en Freischdooß versengd. Er had´mer awwa verschbroche, dass´er sich des fir des Schbiel em Vadderdaag gege Velkerschbach uff g´howe had.
Unser Torward-Broblem in derre Runde isch jo scho was B´sonners. Wenn awwa geschdern de Daniel g´sähne hasch, dann hasch´de froge misse, wo des Broblem aigendlich sei soll.
Endschburd: Em Vadderdaag Velkerschbach wegfäge un em Sonndaag kennd´s in Wessinge a was wärre, wenn die dann koi Schoos meh hen uff dä zwaide Bladz. Dass Owwerweier in Eddlinge g´winnd, misse´mer laider eikalkuliere. Uff des ledschde Schbiel Kloischdoibach gege Durlach binne a mol g´schbannd.
Also, saddeld noch ämol die Hühner un sichered de Klasse-Erhald. Dengged do däbei a ä bissel an uns Schbordbladz - Grufdies. Mir welled a im nägschde Schbieljohr "A-Klasse-Grufdies" bleiwe!
Eier Alderle