Alderle's Anmerkungen - 17.03.2013
Also, d´Runde had jo widda ogfange un drei Schbiel hemma a scho widda hinna uns.
Dass´mer gege die Legionärsdrupp aus Mutschelbach falore hen, des kannsch abhooge. Lass die numme uffschdeige un uffschdeige un.... Irgendwann lass´ds en Knall.
Gege Wessinge ware ned do, awwa ich heb ma sage lasse, dass des 1:0 a ned des Gelbe vom Ai war. Iebrigens: Nach dem furchtbare 2:2 aus´em Vorschbiel häwwe s´erschde Mol g´saagd: Alderle!
Geschdern ware z´erschd uff´eme Familiegeburdsdaag, häb´me dann awwa abg´saild un bin kurz nach de Halbzeid komme. Grad badsche mei Audodier zu, heeres a scho schreie. Häb nadierlich glei guggd: Scheiße - die Annere hen d´Ärm hochgrisse.
Zu dem, wasse dann g´sähne häb, do hasch bloß sage kenne: Alderle! Do isch jo gar nix gange. Zwar sin unsere imma uffs Busebacher Tor g´loffe - awwa wie! De Eigen had sich fazeddeld, vom Niki hasch so gudd wie nix g´sähne, de Mirco had a ned g´lenzd un de Bomba hed zwar gern ä Tor g´schosse - awwa nix war´s.
Die Annere hen dann noch än Elfer griegd un än Sonndagsschuss isch a noch im Kaschde g´landed. Des war´s.
Ma had awwa a Lichdbligg g´sähne: Als de Max neikomme isch, war´s wesendlich bessa, un a de Alex un de Robin hen hinne drinn sauwa g´schbield. Was´me saumäßig g´fraid had, des war de Flo. Nachdem´er ausgwäxeld worre isch, hadder sich ä warme Jagg ogezogge un had hinnerm Tor d´Bälle g´hold, weil sonschd de Busebacher Tormann noch meh verzeegerd hed. Frieher hen als mir Junge d´Bälle g´hold. Vielleichd kennd de Rainer so was mid de Jugendschbieler uffziehe, wär ned schlecht.
Heid Morje sin mir "Grufdies" beim Räge iwwa d`Blätz gange un hen die Lecher widda zugschdopfd. Alderle, die Blätz hen ganz schee ausg´ähne!!!
Sofern de Oind odda de Anna ned waiß, was die "Grufdies" sin: Mir, die Eldere sin imma am Daag nach de Hoimschbiel do un richde d`Blätz widda her un mache a außerum was, so dasses widda schee aussiehd.
Also wenn des Wedda jedzd hoffendlich so langsam uffgehd, dann schbriesd a de Rase widda un unsere Jungs wärre dann a widda oinen zulege.
S´isch koi Grund, d´Kepf henge zu lasse. Wie had Selle im Fernsehe g´saagd: Alles wird guud!
Eier Alderle