Alderle !            Sauschlächder Säsongschdard             7.9.2013

Was isch aigentlich Fatalismus? Im Wikipedia häwwe nochguggd, awwa des, was die do schraiwe,  kannsch dodaal vergesse. Fatalsismus isch fir mich, wenne en „Alderle“ iwwa des tolle Pokalschbiel gege Knielinge g´schriwwe häb, den Texd abschbeicher – un en dann nemmeh fin. (Geschdern häwwen widda g´funne!!!).

Fatalismus isch awwa a, wenn unsere Erschd im ledschde Johr ä subba Saison g´schbield had, jedzd nach vier Schbiel noch koin oinziger Pungd had un d´Zuschauer tailweis ausraschde.
Fagd isch, dass die bisherige Schbiel nadierlich ned s´Gelbe vom Ai ware. Mer muss awwa a sähne, dass Oinige verledzd ware, die Annere in Urlaub odda so wie heid bei ere Hochzeid odda em annere Familifeschd.
Ich häb´s Eich im ledschde Johr scho g´sagd: Mir schbiele A-Klass (des isch beim Mercedes ned weid owwe) und die Kerle, die bei uns sin, sin in Ordnung, fiehle sicvh wohl bei uns, schbiele gern Fußball, awwa hen noch annere Indresse un des muss ma oifach agzebdiere. Wär´s eich vielleichd liewa, wenn ma oi Klass heher schbiele däde mid Legionär, die mid´em Veroi iwwhaubd nix em Huud hen, abkassiere däde und im nägschde Johr do no geh´n, wo´s meh gibd?  Noi, noi. So wie´s bei uns isch, isch´s scho in Ordnung.
Wenn sälwa mol g´schbield hasch un du hasch g´mergd, dass alles dänäwwe laafd, dann hasch de doch sälwa em ärgschde g´ärgerd. S´derf doch koiner glaawe, dass die do drin ned versuuche, s´Beschde zu gäwwe. Wenn´s awwa ned laafd, dann laafd´s ned.
Glaab doch bloos ned, dass´ mer mid derre Mannschafd mid´em Abschdieg was zu duun hen. Des hemmer doch ledschd Johr gezaigd. Nadierlich muss jedzd irgendwann de Knoode bladze. Des gehd awwa ned, wenn´mers erzwinge will un mir drauße zuviel Emozione uffbaue.
Als´e heid Oband von Busebach hoimg´fahre bin, ware richdig draurig. Als´e awwa hoimkomme bin un mei Enggel do ware, war alles widda vergesse – faschd alles. S´gibd oifach Wichdigeres als Fußball, un des solde´mer oifach regischdriere.
Wenn widda alle z´samme sin, d´Schbieler mid sich sälwa in Klausur geh´n un jeder fir sich rauskidzeld, was´er bessa mache kann, de Träner d´Nerve b´hald un mir drauße ruhig bleiwe un hinner de Mannschafd schdehn, dann kann´s oifach bloos besser wärre.

Mache´mers oifach so un schdehn in de nägschde Schbiel so richdig hinner unsere Mannschafd. Verschbroche?!

Eier Alderle