Häwwe´s ned g´sagt?! D´Busebacher hen´s biese misse!
Ja, was sollsch zu dem Schbiel sage? S´war scho viel bessa als gege Wössinge awwa des Wahre vom Ai war´s hald a noch ned. D´Innevertaidigung isch g´schdanne, awwa schonschd, awwa sonschd....!!! Na, ja!
Wenn d´Busebacher oguggt hasch, dann hasch sage misse, dasse ned amol soviel druff g´hed hen wie d´Wössinger, un des war scho ziemlich wennig. Aigendlich hasch gar koi Angschd ho misse, awwa nach vorne isch hald zu wennig gange.
Also, was den Freischdooß ogeht, der zum 1:0 g´fiehrt had, do häwwe zerschd gmoint, dass de Michi faul g´macht had - awwa s´war a so rechd. De Mirco had ä scheene Bogelamb reigewwe und de Max had den Balle mid´em Kopf so was von neigwuchtet, dass grad von de Sogge warsch. Wenn´er so numme s´ganze Schbiel g´macht hed.
De Schiedsrichta, en junger, had ma g´falle - bis zum 1:0, ab do ischer scho saumäßig g´schwomme.
Nachdem´e midd´em Bomba in de ledschde Runde mol ä ernschdes Werdel gschbroche häb, häwwe heid dengd, s´isch mol widda Zeid! Warum kann der Kerl sei Gosch ned halde, de SR had hald ned pfiffe, wo de Schmitti g´moind had, dass´ers mache hed misse un scho hadda widda die Gelbe g´sähne. De Mirco hed do so scheene freie Boh g´hed. De Bomba isch hald noch jung, hadda ma domols g´sagd. Un weil ´s koi Dumma isch, häwwe d'Hoffnung no ned uffgäwwe.
Kurz vor Schluss hense um mich rum gedobt, weil de Schiri de Bomba ned uff´s freie Tor zu laafe had lasse un Abseids pfiffe had. Wenn so wie ich frieher selwa mol pfiffe hasch, dann hasch fir so was oifach en Blick. De Schiri had rechd g´hed, weil de Tormann von de Busebacher vorne rumgetigerd isch un somit de zwaide Abwehrschbieler g´fehld had um´s Abseids uff zu hewe.
Ich hoff, dass´der de Siedschdernler un de Sellinger zaiged, wo de Bardel de Moschd hold, ich drick eich Daume. Ogucke kann´es laida ned. Ned weil´e Befierchdunge hed sondern, weil´e do uff Ischkia in Urlaub bin un mei Kreiz mid Fango un Massasche wida uff Vordermann bringe lasse will.
Hoffentlich kann´e, wenn´e zrick komm, sage: Alderle, ma kann scho schdolz sei, uff unsere Jungs!
Eier Alderle