S´siehd guud aus!                          04.12.2016

Heid hemma widda Grufdies-Einsatz g´heddt, 15 Leid ware widda do, s´machd richdig Schbass, b´sonners nach´eme Sieg.
Ja, wer hed des em Ofang von de Runde denggd. „Zähflüssiger Beginn“ däde´se im Fernseh sage. Awwa jedzd 5 Sieg hinner änanner, des kann sich scho sähne lasse. Em Sonndaag in Forche wird´s ned leichd un em ledschde Schbiel vor Weihnachde missde dann die Neereder fir die saumäßige Schiedsrichder-Endscheidung vom erschde Schbiel bieße misse.

Weiterlesen: 2016-12-04 Alderle

Alderle !           Die saubleed Liggebleiwerei                       6.9.2015 


Was´me heid b´sonners umdreibd, des sin die viele, ach so arme, verledzde Schbieler, die sich imma widda uffem Bodde rumwälzle.
 
Liebe Schbieler (dodämid moine alle von hiwwe un driwwe),
wissed Ihr aigendlich, was mir dord drauße als Zuschauer alles midmache. Mir komme uff de Schbordbladz, weil´mer Fraid em Fußball hen, weil´mer scheenen Fußball sähe welle un nach Meeglichkaid en Sieg von unserer Mannschafde.
 
Mir alle hen frieher a Fußball g´schbield odda von mir aus a kiggd. Bei uns had´s a Zwaikempf gäwwe un glaawed blooß ned, dasses do ned a mol uff d´Sogge gäwwe had. Wasses do awwa ned gäwwe had, des war die saubleede Schauschbielerei. Wenn domols oiner ligge bliwwe isch, dann hasch versicherd sei kenne, dass´er a was g´hedt had un moischdens ned weiderschbiele had kenne. Weils domols awwa noch koi Auswäxelschbieler gäwwe had, isch dann oiner, der aigendlich nemmeh kennd had, drodzdem uffem Bladz bliwwe um zumindeschd en Gegeschbieler uff sich zu ziehe.
 
Kenned Ihr Eich deshalb vorschdelle, wie´s uns schdingd, wenn laufend oiner ligge bleibd un die Aigene odda a die Annere de Balle naus schbiele. Kaum had oiner middem Knie de Bodde beriehrd, heersch scho: "Schbiel de Balle naus!"
 
Herrlich dann de tosende Beifall, wenn dann de Eiwurf "fairerweis" zu de Annere g´worfe werd. Glaabed´mers, s´isch nemmeh auszuhalde. Mid fairplay had des iwwerhaubd nix zu du.
 
Fir mich gibt´s blooß oi Leesung:
 
Vorrem nägschde Schbiel gibd unser Trainer an unsere Schbieler die Order aus, dass weiderg´schbield wird, wenn oiner liggwe bleibd un dass, wenn dem sei Midschbieler de Balle ins Aus kiggd, de Eiwurf in unsere Reihe bleibd.
 
Faierweis soll unser Trainer des seim Kolleg von de annere Mannschafd sage, die kennes dann jo genauso mache. De Schiri, dem sold ma des a sage, er had jo imma noch die Meeglichkaid zu unnerebreche.
 
Oins isch klar, wenn siehsch, dass en Schbieler tatsächlich ernschdhafd verledzd isch, z.B. em Kopf, dann isches koi Froog, dass´mer de Balle nausschbield.
 
Moine´der ned, dass des besser un fußballgerächder wär?!
 
Eier Alderle

Alderle !        Ä neis Schbord - Echo                11.8.2015


Em 30. Auguschd isches soweid: Bei de SG gibd´s ä neis Schbord-Echo. Schee! S´had jo ä Weil gedauerd, bisses so weid war, warum weiß´e zwar a ned, awwa wichdig isch, dasses jedzd kommd.
Wie´s aussiehd un was annersch isch gegeniwwer dem friehere wird´mer dann sähe. Ich hoff, dasses oschbrechnd isch un d´Leid ned grad dro vorbei geh´n sondern a nei gugge un läse. Damid´se des awwa mache, muss a was drin sei, des´se indressierd un informierd. Nadierlich isch d´Wärbung a wichdig, weil jo von denne Schbonsore s´Geld kommd, mid dem´ma des Bläddle finanziere kann. Ich hoff blooß, dasses indressander werd wie s´Ordsbläddle!!!

Ab un zu wird a sicher was vom Alderle drin schdeh, ich hoff, dass d`Verbandsrunde, die jo jedzd bald ofangd, was hergibd, iwwer des ma a schreiwe kann. Ich hoff, dasses viel Positivs sei werd.

Wie s´Pokalschbiel morje Oband gege Beierde ausgange isch, weiße nadierlich jedzd no ned. Schee wär´s, wenn´mer g´winne däde, dann wäre´mer unner de ledschde Achde un domid im nägschde Johr im Verbandspokal, un des kennd bedeide, dass´mer glei än Großer zug´loosd griege, z.B. Neddinge odda Schbielberg. Des wär doch was, odda.

Do kennschd dann a widda ä kloins Feschdle mache, wie´s de Ludi jedzd vom 25.-27. Sebdember nobrochd had. Do hen nämlich alle unsere Mannschafde ä Hoimschbiel, Verbandsschbel naddierlich. Des haißd, vom Schbordliche isch des was ganz anners, wie so im ä normale Schbordfeschd, wo´s um nix gehd un koiner aigendlich Indresse had, zuzugugge. Ich hoff, dass´der alle kommed un a de Jugendschbiel zugugged. Wenn´s richdig uffzoge werd - de Ludi machd des scho  (!) - dann werd´s richdig schee; un fir d´Kass dud des a guud - mid geringem Uffwand.

Wenn des erschde Schbord-Echo rauskommd, sin scho zwai Verbandsschbiel rum un ich hoff, dass´mer do Punkt-mäßig scho was uffem Kondo hen. Also Jungs, schdrengd Eich o!

Unser "Schbordbladz-Grufdies" hen bis do no scho vorgschaffd un rund um d´Blädz rum alles sauwer g´machd. Moischdens simma so zwische 12 un 16 Leid, die do fir de Veroi was mached. S´isch als richdig schee, wenn´mers wussle siehd un dänoch alles widda schee aussiehd. Obwohl, s´Moischde, was´mer mache, siehsch aigendlich gar ned. Blooß, wenn´mers ned mache däde, dädsch´s sähe!

Dä nägsche Eisadz hemma em 24. un 31. Auguschd un dänoch imma nach de Hoimschbiel.

Also, wenn de Oind odda Anner sich´s iwwerlege däd: Er därf gern komme, imma um halwa Zehne; nach dem Moddo von meinere Oma: Viele Hände machen bald ein Ende! Nadierlich isch´mer klar, dass ned jeder aus unnerschiedliche Grind midmache kann. Wenn´mer sich awwa mid uns solidarisiere mechd: Mir hen a ä Kässle; de Joos Manfred had des unner sich un der hed mid Sicherhaid nix dägege, wenn do noch was däzu käm. Schließlich duun´mer ned blooß schaffe sondern mir unnernemme a des Oind odda Annere, was uns Schbaaß machd.

Also, Schbord-Echo: Vom Alderle un de Schbordbladz-Grufdies: "Glück Auf!"

Alderle !        Schbiel gege Sellinge                15.3.2015


"Alderle", had unser Vorschdand nach dem Schbiel g´moind; ich häb´em voll Rächd gäwwe kenne.

Wenn´em Ofang g´sähne hasch, wie unsere losg´legd hen, dann hedsch ned glaawe kenne, dass die Sellinger en Haufe Punkt meh hen als mir. Laufend simma vor denne ihrem Tor g´wäse awwa nix isch neigange.

"Hoffentlich rächd sich des ned", had de Rolf näwwer´mer g´moind.

Weiterlesen: 2015-03-15 Alderle Söllingen

Alderle !        Neier Vorschdand bei de SG        31.1.2015


D´SG had jedzd 6 Vorschdänd. "So en Quadsch", denggd jedzd de Oi odda Anner. Von Wägele, s´isch genau de richdige Schridd in d´Zukunfd.

Gugge´mer uns doch ämol in de Veroinslandschafd um, imma wenniger sin beraid, in de Veroi was zu mache, un deshalb muss´mer versuche, dass die, die ä Amd iwwernemme, ned iwwerforderd werre. Ä Ehreamd muss Schbass mache un muss im Eiklang schdeh mid´em Familieläwe unnem Beruf. Nix schlimmer, wenn d´Veroinsärwed zu viel werd, un´der dodurch alles iwwa de Kopf naus waxd.

Weiterlesen: 20150131_Alderle

Alderle !            Schellbronn - Schdupfarich 3:8        2.11.2014

S´ledschd binne g´frogd worre, ob de Alderle g´schdorbe isch. D´Andword war wie beim Holzmichel: "Noi, er lebd noch…."

Wenne was schreib, dann brauche do dezu Fudder. Un die Schbiel, die´e bisher g´sähne häb, hen oifach nix g´hedt, woriwwa äbbes schreiwe hedsch kenne. Nadierlich war mol des Oine odda Annere do, awwa, ehrlich g´saagd, s´war ned so des Wahre vom Ai.

Weiterlesen: Alderle - Schöllbronn - 2014-11-02

Alderle !            A-Klass - mir bleiwe !!!            30.5.2014

S´had so richdig gebassd zum Vadderdaag: Mir hen g´wonne un bleiwe in de A-Klass!!!

Alderle, was hen mir gebibberd in de ledschde Woche. Nach denne viele 1:2 - Niederlage em Ofang von de Runde hääwe immer g´sagd, mir schdeige ned ab, weil jo die Laischdunge ned so schlächd ware. Mid de Zeid hasch awwa scho ä bissel gebibberd, wenn der´s a ned omerge hasch lasse.

Weiterlesen: 2014-05-30 Alderle - A-Klass - mir bleiwe

Alderle !                S´siehd ned schlechd aus!     26.5.2014

Em ledschde Sonndag simmer ä Woch ins Allgäu g´fahre. Des 3:1 gege Siedschdern häwwe nadierlich glei mid´em bayrische Bier g´feierd - s´had guud g´schmeggd.

Als´mer geschdern zrigg komme sin, simmer glei wähle gange. Ich wolld 2,40€ schbende - s´isch awwa koi Kässle do  g´schdanne!!!

Weiterlesen: 2014-05-22 Alderle